حتة خشب معينة حتة جنب الدفاية بالظبط الخشب هناك كان لونه مختلف سنة أفتح سنة كأنه اتفك واتركب تاني كأنه مش زي باقي الأرض خبطت بالشاكوش مرة الخشب عمل صوت فاضي مش صوت أساس صوت فاضي كأن تحته هوا كأن تحته فراغ خبطت تاني الخشب اتشرخ أختي صړخت صړخة مش
طبيعية صړخة كأنها هي اللي بتتضرب لا لا متكملش أبوس ايدك متكملش أنا هفهمك أنا هقول لك بس متكملش وقعت على ركبها الصينية وقعت الكبايات اتكسرت الشاي اتكب على الخشب الجديد وهي بټعيط بټعيط بطريقة غريبة مش عياط خوف عياط ندم عياط واحدة شايلة سر بقاله 14 شهر قلت لها
قولي قولي ايه اللي تحت قالت وهي بټعيط وبتترعش هو تحت هو تحت من يومها من يوم ما اختفى أنا مكنتش عايزة والله مكنتش عايزة أنا كنت بحبه ده ابن أخويا بس هو شاف هو شاف حاجة مكنش المفروض يشوفها وأنا خفت خفت جوزي يعرف خفت بيتي يتخرب خفت الناس
تعرف فخبيته خبيته تحت قلت هيقعد يومين وأطلعه وبعدين اليومين بقوا أسبوع والأسبوع بقى شهر والشهر بقى 14 شهر وأنا كل يوم بسمعه بيعيط كل يوم بسمع الخبط وكل يوم بقول بكره هطلعه وبكره يجي وبخاف تاني لحد ما انت جيت ولحد ما بنتك سمعته هي الوحيدة اللي سمعته عشان
هي صغيرة عشان قلبها نضيف عشان هي أخته أنا ايدي وقعت الشاكوش وقع من ايدي قلت انتي بتقولي ايه انتي حابسة ابني تحت الأرض بقالك 14 شهر 14 شهر ابني تحت الخشب ده 14 شهر وهو بيخبط 14 شهر وهو بردان 14 شهر واحنا بندور في الغابات والمباني المهجورة 14
شهر ومراتي بټموت كل يوم 14 شهر وبنتي بتسأل أخويا هيرجع قبل الفطار وانتي قاعدة فوقه بتشربي شاي وبتعملي بيت جديد وبتقولي لنا تعالوا غيروا جو تعالوا زوروني عشان تنسينا عشان تبعدينا عن الحقيقة عشان محدش يسمع الخبط انتي ايه انتي بني آدمة انتي أختي ازاي قالت أنا آسفة أنا
آسفة افتحه أبوس ايدك افتحه وطلعه هو عايش والله عايش أنا كنت بنزله أكل ومية كل يوم من الفتحة اللي ورا الدفاية فيه فتحة صغيرة كنت بنزله أكل بس هو تعب هو تعب أوي من الضلمة من البرد من الوحدة طلعه أبوس ايدك طلعه كسرت الخشب كسرته بايدي من غير
شاكوش بضوافري بسناني الخشب كان خفيف تحته باب باب خشب قديم باب قبو مدهون نفس لون الأرض عشان محدش يشوفه فتحت الباب ريحة عفنة طلعت ريحة رطوبة وضلمة و شهر خوف وسلم خشب نازل لتحت ضلمة ضلمة كحل ونور صغير جاي من لمبة صغيرة متعلقة بسلك وفي الآخر في الآخر
خالص ولد صغير قاعد قاعد وضامم ركبه لصدره لابس نفس التيشيرت اللي كان لابسه يوم ما اختفى التيشيرت اللي عليه رسمة ديناصور بس التيشيرت بقى كبير عليه خس أوي شعره طويل وشه أبيض زي الورقة وعينيه عينيه كانت بتبص لي ومش مصدقة قال بصوت واطي مبحوح من العياط بابا بابا
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.