"
فضل ساكت."كنت تعرف إن أختك قاعدة هنا؟"
برضه ما ردش."كنت تعرف إن فيه عقد بيع باسمي؟"
المرة دي بص في الأرض. وقتها فهمت. هو كان عارف. لكن اللي ما كنتش أعرفه لسه…
كان أسوأ بكتير. طلعت موبايلي وفتحت تطبيق البنك. وقلت:
"طيب بما إنكم بتقولوا إني استلمت 100 ألف جنيه…"
"وروني التحويل."
حماتي ابتسمت. وقالت:
"موجود."
"اتحول من حسابي لحسابك قبل ما تسافري."
فتحت حسابي قدامهم. وبدأت أراجع المعاملات. وفعلًا…
لقيت تحويل بقيمة 100 ألف جنيه. لكن تحت التحويل كان مكتوب وصف العملية:
"مساعدة عائلية."
مش بيع عقار. مش مقدم بيع. مش ثمن شقة. مساعدة عائلية. رفعت عيني. وقلت:
"أهو."
"التحويل مكتوب عليه مساعدة عائلية."
حماتي ردت بسرعة:
"دي صيغة البنك."
لكن وأنا بقلب في تفاصيل العملية…
لقيت حاجة خلت إيدي تتجمد. التحويل تم من حساب حماتي…
في اليوم اللي أنا كنت فيه في المطار. والأغرب…
إن الساعة اللي اتعمل فيها التحويل كانت الساعة 3:17 فجرًا. الوقت اللي أنا كنت فيه وقتها على متن الطائرة. يعني حتى لو افترضنا جدلًا إن الـ100 ألف كانوا تمن الشقة…
مين اللي دخل على حسابي وقبل التحويل وأنا في الطيارة؟رفعت عيني ببطء. بصيت لجوزي. وقلت:
"أحمد…"
"مين كان معاه بيانات حسابي البنكي؟"
وشه شحب. حماتي اتدخلت بسرعة:
"سيبيك من الكلام ده."
لكن أنا ما بصيتش لها. كنت مركزه مع أحمد.
ولأول مرة من يوم ما دخل الشقة…
رفع عينه وبص لي. وفي اللحظة دي قال جملة واحدة:
"سارة…"
"إنتِ لو فتحتي الموضوع ده، هتندمي."
ابتسمت رغم إن قلبي كان بيدق بعنــ,,ـــــف. وقلت:
"ليه؟"
"هو فيه إيه في الورق ده أنا لسه ما اكتشفتوش؟
"
أحمد ما ردش. لكن أخته بدأت تتوتر. وحماتي خطفت العقد من إيدي. وهنا…
لاحظت حاجة صغيرة جدًا في آخر الصفحة. حاجة ماكنتش واخدة بالي منها أول مرة. ختم الشهر العقاري. وبجانبه رقم معاملة. طلعت موبايلي فورًا. وصورت الرقم. وقلت:
"تمام."
"أنا مش هعمل مشكلة.
"
"أنا بس هروح الشهر العقاري أتأكد من رقم المعاملة."
وش أحمد اتغير فجأة. وأخته قالت بسرعة:
"ماما…"
أما حماتي…
فأول مرة من ساعة ما رجعت، ما لقيتش عندها أي رد. لأنهم كانوا فاكرين إن الورقة المزورة هتخوفني. لكنهم نسوا حاجة واحدة…
أنا شغلي في الأصل كان مرتبط بالمستندات والعقود. وأنا عارفة كويس جدًا…
إن أي عقد بيع عقار لازم يسيب وراه أثر. ولو الرقم ده مزور…
فالموضوع مش مجرد محاولة سرقة شقتي. الموضوع بقى تزوير رسمي باسمـي. ولو الرقم حقيقي…
يبقى لازم أعرف:
مين اللي راح الشهر العقاري باسمي… ووقّع بدل مني؟.......رفعت عيني من على التليفون وبصيت لهم واحد واحد.. السكوت اللي عمّ الصالة كان أثقل من طن حديد. حماتي كانت بتبلع ريقها بصعوبة، وأخت جوزي بتبص لأحمد بعيون كلها رعب، أما أحمد فوقف قدامي مباشرة ومد إيده وعايز ياخد الموبايل من إيدي وقال بصوت عالي وعصبي:"هاتِي الموبايل يا سارة!
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.