. رقم شرطة النجدة وقسم الشرطة التابع لدائرتي."الو.. السلام عليكم، أنا عايزة أبلغ عن واقعة تزوير واستيلاء على عقار وعربيات بالبطاقة الشخصية وتوكيل مزور..."صوت صراخ حماتي وأختها ملا المكان، لكن صوت تليفوني كان أعلى بكتير، وكل كلمة كنت بقولها كانت بتدق مسمار في نعش جوازة فاشلة استغلت طيبيتي وجهلي بخبثهم.
ولأول مرة أحس إن الفلوس اللي تعبت فيها سنين مش ضايعة.. وإن حقي هيرجع كامل، وبالقانون.
عربيات الشرطة وقفت تحت البيت بصوت سيارات الإسعاف والنجدة اللي هز الشارع كله. في دقايق معدودة، كان السكون اللي حاولوا يفرضوه عليا اتحول لصخب عالي، وأصوات جزم العساكر على السلم وهي طالعة بتدب بقوة بقت هي الصوت الوحيد المسيطر.
أحمد كان قاعد على الكرسي حاطط إيده على راسه كأنه مش مصدق إن الجنان اللي أمه ورطته فيه وصل للدرجدي، وأخته مياتو فضلت واقفة في زاوية الصالة بتعيط وتبرطم بكلام غير مفهوم،
بينما حماتي وقفت في وش الباب ودموع الخنقة والكبرياء بتغطي عيونها، ورفعت صوتها بصراخ هستيري أول ما سمعت خبط على الباب:"مين اللي بيلعب بالنــ,,ـــــار ده؟
! دقيقة واحدة.. ابني هيفهمكم كل حاجة، دي قضية عائلية، مفيش أي تزوير!"جريت أنا وفتحت الباب بنفسي. وقف قدامي أمين شرطة و2 ظابط من مباحث القسم، وبصوا لي بدهشة لما شافوني واقفة بثبات وشايلة في إيدي ورقة المعاملة والتحويلات وصورة التوكيل القديم.
الظابط المسؤول دخل بعيون حادة وبص حواليه في الصالة وقال بصوت صارم:"مين صاحبة الشقة اللي طلبت النجدة وبلغت عن تزوير واستيلاء؟"رفعت إيدي وقلت بصوت ثابت:"أنا يا باشا.. سارة أحمد.. وصاحبة الشقة دي والعربية اللي برة، ومعايا المستندات اللي بتثبت إن عصابة قاعدين قدامك دول استغلوا سفري وعملوا حفلة تزوير وسرقة لأملاكي كلها.
"حماتي نطت قدام الظابط وقالت بصوت متهدج وعصبية زايدة:"اكذبي زي ما تعوزي يا بت.. دي مرآة ابني! يعني بيتها بيته، وممتلكاتها هي ممتلكات جوزها، إحنا مدخلناش شقة غريبة.. وبعدين التوكيل قانوني وموثق في الشهر العقاري، يعني مفيش أي جريمة! دي خلافات أسرية تخلص في البيت مش في الأقسام!
"الظابط بص لها ببرود وطلع كارنيهه وقال:"خلافات أسرية؟ تزوير أوراق رسمية واستغلال توكيل لبيع شقة بـ 5 مليون جنيه بـ 100 ألف وتوثيقها وأصحابها برة البلد.. دي جناية يا حاجة، مش خلاف عائلي. فين البيه اللي باسمه التوكيل؟
"أحمد قام ببطء ووشه أصفر تمامًا، وعيونه كانت تايهة في الأرض. حاول يتكلم لكن صوته طلع مكسور:"يا باشا.. أنا.. أنا جوزها.. وأنا اللي..."قاطعته فورًا وقبل ما ينطق بحرف يدافع بيه عن نفسه، مديت إيدي للظابط بالورقة التانية اللي لقيتها طايحة على الأرض، وقلت:"يا فندم.
. مش بس الشقة.. ابعت استعلام فوري عن عربية لكزس موديل السنة باسمي، اتحول تمنها أو اتعمل عليها عقد بيع وهمي لنفس الشخص أو لأخته بنفس التوكيل المزيف! دي مش سرقة شقة، دي شبكة كاملة متخصصة في الاستيلاء على أموال زوجاتهم بطرق قانونية ملتوية.
"الظابط أخذ الأوراق، وبص في التوكيل ورقم المعاملة، وبعدين بص لعسكري وطلب منه فورًا:"اتصل بالنيابة العامة وبلغهم بالبلاغ، وهاتولي المتهمين التلاتة دول على القسم حالا.. وانزل يا ابني افحص العربية اللكزس اللي تحت الجراج وتأكد من رخصتها.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.